شباب البابا كيرلس




 
الرئيسيةشباب الباباالتسجيلدخول

شاطر | 
 

 طابوووووووووووور العيــــــــــــش

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
se3o_sadek




مُساهمةموضوع: طابوووووووووووور العيــــــــــــش   السبت يوليو 18, 2009 10:49 pm

مـحسوبـكــم أحمــد عبــده عليـــش
مواطـــن عــادي ومـش مذكـــــــور
ف حالـــــي أنــــا حتــــى معنديــش
غير هدمـة وجـزمـة وراديــو ديكــور
بصحي من النجمة تقولش ف جيش
علشـان الحــق ف الفـــرن طابــــور
مانـــا عنـــدي عيال وف بيتـنا مفيش
غير حتة جبنــة وصحــن الفـــــــــول
والفــول من غير العيــش ميـجـيــش
ويـسـلام لـو فحــل بصل ولـمــــــون


القصـــد دخلـــت أنا وسـط النـــــاس
ووقـفـت ف أي طــابـــور وخــــلاص
ولقيـــــت واحـــد جمبــي محتــــاس
عــمّـــال يـدعـــي ع الــواد عبـــاس
" طـــب حتـــى اديـنــي بـربـع جنيـه
الله يــاخــدكـــوا يـــا ولاد الإيــــــــه"
م الصبحية على رجلـــي يـا بيــــــه
ومحدش سائل فيا أنا ليــــــــــــه ؟ "


وسمعـــت بودنــــي صـويـــت وعيـاط
عيل علـــى صـــدر امــــه فتكــــــات
يصــــــرخ ويــعــيــــط أنـــــا جعـــــــان
و عطـــف النـــاس ف قلوبهــم مــات


والســــت عـــزيــــزة ام مفـــتـــــــــاح
ترقــــص تـتـــنـطــــط م الافــــــــراح
خارجــــــة من الفــرن معاها العيـــش
ف قفــص على راسها تقولش سلاح


ويــــا عينـــي ع الست أم عطيــات
عمــــالــــة تـــحــايــــل ف الستـــات
تطلـــــــب مـــــن ديـــــة بــربـع جنيه
ومـــن ديـــه وديــــة بنـــص جنيـــــه
واحلــــف وحيــــاة راس أمـــي يــا بيه
وخدالهــــا ييــجــي بخمــسة جنيــــه
من غير طوابير واهو شغل صاجات
حوش حلـــق حـــوش خد مني وهـات


ومـــن بعــــد ساعـــة ونـــــص تـمــام
جـــــه عليــــا الــدور ابــقـــى قـــدام
وقــــوام مسكـــــت ف قفــص العيـش
وفرحــــــت يــــا فـــرحة ماليــها مكان


بصيـــــت ولقيـــــت عبــــــده البـــــواب
والــواد عبـــــاس قــــام فتـــــح الباب
راح عـــــلا صـــــوتـــــه ونــــادي وقــال
وسعــــوا للبيــــه وسعـــوا يـا كـــلاب


اتفضــــل خــــش يـــا عـــــم الاسـطـــا
العيـــــش جـــاهــــز وكلـــه اليسطـة
وضحــــكـــت ف نفســـي وقلــت كمان
حتـــى لقمتــنـــا بقـــت بـالــواسطــة؟!!


وده كلـــــه وانا في طابــــور العيــــش
مستنـــــــي ييجــــــي عليـــــا الــــــدور
إمضاء
محسوبكم احمد عبده عليش
مواطن عاش ومات ف طابور
الرجوع الى أعلى الصفحة اذهب الى الأسفل
ابنة يسوع




مُساهمةموضوع: رد: طابوووووووووووور العيــــــــــــش   الأربعاء يوليو 29, 2009 11:33 pm

جامده جدا جدا
الرجوع الى أعلى الصفحة اذهب الى الأسفل
 
طابوووووووووووور العيــــــــــــش
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
شباب البابا كيرلس :: ++ منتديات ++ :: منتدى المواهب و الأبداع-
انتقل الى: